ᐃᖃᓗᓐᓂ ᑰᖏᓐᓂᑦ ᓴᙱᕐᓂᖅ
ᐃᖃᓗᓐᓂ ᑰᓐᓂᑦ ᓴᙱᕐᓂᐅᓛᖅᑐᖅ ᓅᑕᖅ ᐅᓪᓗᖓ ᐱᖓᑦᑎᕐᒧᑦ, ᓯᑎᐱᕆ 4
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᐊᒻᒪᓗ ᓄᓇᓕᓕᕆᔩᑦ ᐃᖃᓗᓐᓂ ᐃᑲᔪᖅᑎᒌᓐᓂᐅᓴᒻᒪᑕ ᐱᔪᒐᕐᓴᐃᒋᐊᒃᑲᓐᓂᕈᒪᓪᓗᑎᒃ ᓄᓇᓖᑦ ᑕᒫᓂ ᐊᒻᒪᓗ ᐃᖅᑲᓇᐃᔭᕐᕕᖁᑎᓖᑦ ᓴᓗᒪᑎᑦᑎᖃᑦᑕᓂᕐᒥᒃ ᑕᒫᓂ ᑰᖁᑎᑦᑎᓐᓂᒃ. ᐃᖃᓗᓐᓂ ᑯᔾᔨᓃᑦ, ᑰᒐᓛᑦ, ᑰᑦ, ᐃᒪᕕᒃ ᐊᒻᒪᓗ ᐃᒪᐅᑉ ᓯᓈᖓ ᐊᑑᑎᖃᖅᑐᐃᓐᓇᐅᒻᒪᑕ ᐱᒻᒪᕆᐅᓪᓗᑎᒃ ᐃᓅᓯᖏᓐᓄᑦ, ᐊᑦᑕᓇᙱᑦᑐᒦᒋᐊᖃᕐᓂᖏᓐᓄᑦ ᐊᒻᒪᓗ ᒪᑭᒪᓂᖏᓐᓄᑦ ᓄᓇᖅᑲᑎᑦᑕ.
ᕿᑭᖅᑕᓂᒃᑯᑦ ᐃᖅᑲᓇᐃᔭᖅᑎᖏᑦ ᐃᓚᒋᔭᐅᓛᕐᖓᑕ ᓴᙱᖅᑐᖃᓕᖅᑲᑦ ᑕᓪᓕᒻᒥᐅᓕᖅᑲᑦ, ᐋᒡᒌᓯ 30 2019, ᑕᐃᒫᓪᓗ ᑎᓕᐅᕆᓪᓗᑕ ᐊᓯᑦᑎᓐᓂᒃ ᓄᓇᖅᑲᑎᑦᑎᓐᓂᒃ ᑕᒫᓂ ᐃᖃᓗᓐᓂ ᓴᓗᒻᒪᕐᓴᖃᑕᐅᓛᖁᓪᓗᒋᑦᑕᐅᖅ. ᐅᕙᑦᑎᓐᓂᒃ ᑲᑎᓯᔭᖅᑐᓛᖅᑯᓯ ᐃᓄᑐᖃᐃᑦ ᖃᕐᒪᖓᑕ ᐅᖓᑖᓂ 9:00ᒨᖅᑲᑦ ᐅᓪᓛᒃᑯᑦ ᑐᑭᓯᔭᖅᑐᕐᓯᓗᓯ ᖃᓄᐃᓕᖓᓛᕐᒪᖔᑦᑕ, ᓇᒥ ᓴᓗᒻᒪᓴᖅᑐᒡᒍᑎᐅᓛᕐᒪᖔᑦᑕ, ᐊᒻᒪᓗ ᐊᐃᔅᓯᖃᑦᑕᕐᓗᓯ ᐊᒡᒑᓐᓂᒃ ᐊᑐᓛᖅᑕᑎᓐᓂᓪᓗ. ᐅᕝᕙᐅᑯᐊ ᐋᖅᑭᓯᒪᓂᕆᓛᖅᑕᕗᑦ:
- ᑕᓪᓕᒻᒥᖅ, ᐋᒡᒌᓯ 30, 2019
- 9:00ᒥ ᑐᑭᓯᔭᖅᑐᕐᓗᑎᒃ ᐅᖓᑖᓂ ᐃᓄᑐᖃᐃᑦ ᖃᕐᒪᖓᑕ
- 12:00ᒥ ᐃᒐᓗᑎᒃ ᐅᓪᓗᕈᕐᒥᑕᕐᓗᑎᒃ ᓴᙱᖅᑲᐅᔪᑦ
- 3:00ᒥ ᑲᐃᒃᑐᕐᓗᑎᒃ ᖁᕕᐊᓲᑎᖃᕐᓗᑎᒃ ᓴᙱᕐᓂᕆᖅᑲᐅᔭᖓᓐᓂ
- 4:00ᒥ ᐱᔭᕇᔭᕐᓗᑎᒃ
ᑰᖏᓐᓂᑦ ᓴᙱᑎᓪᓗᒋᑦ ᑲᒪᒋᔭᖃᓗᐊᓛᖅᑐᑦ ᓯᔾᔭᓂᑦ ᐅᒥᐊᕐᔪᐊᒃᑯᑦ ᐅᐊᑦᑎᔩᑦ ᐊᓪᓚᕝᕕᖓᑕ ᖃᓂᒋᔭᓃ ᐃᒪᐅᑉ ᓯᓈᓂ ᑕᐅᕗᖓᓕᒫᖅ ᐃᓗᕕᖃᕐᕕᒻᒨᖓᔪᒥ, ᑰᒐᓛᒻᒥ ᐋᓐᓂᐊᕕᐅᑉ ᖃᓂᒋᔮᓂ ᑕᐅᓄᖓ ᐃᖃᓗᐃᑦ ᐃᒫᓅᖓᔪᖅ ᓈᓗᒍ (ᑳᐱᕐᕕᐅᑉ ᖃᓂᒋᔭᖓᓂ), ᖃᓂᒋᔭᖏᓐᓃᑦᑐᑦ ᑕᓰᑦ ᐊᒻᒪᓗᑦᑕᐅᖅ ᑰᒐᓛᒃ ᐊᑖᓃᑦᑐᖅ ᖃᖅᑲᐅᑉ ᑕᐅᓄᖓ ᑯᐊᐸᒃᑯᑦ ᐅᖅᓴᐃᕕᖓᑕ ᖃᓂᒋᔭᖓᓄᑦ.
