ᐱᒻᒪᕆᐅᓂᖏᑦ ᕿᑭᖅᑕᓂ ᓱᓕᔪᒥᒃ ᑭᓪᓕᓯᓂᐊᖅᑎᓂᑦ ᐊᖏᖃᑎᒌᒍᑎᖏᓐᓂᑦ
ᐋᒡᒌᓯ 14, 2019ᖑᑎᓪᓗᒍ ᑲᓇᑕᐅᑉ ᒐᕙᒪᒃᑯᖏᑦ ᐃᓕᓴᕐᓯᒍᑎᖃᓚᐅᕐᖓᑕ ᒪᒥᐊᒍᑎᖃᖅᑐᑎᓪᓗ ᒫᓐᓇᐅᓕᖅᑐᖅ ᐊᐅᓚᑦᑎᔾᔪᓯᐅᓯᒪᔪᑦ ᐱᔾᔪᑎᒋᓪᓗᒋᑦ ᐊᑐᖅᑕᐅᓯᒪᔪᑦ ᐃᓄᓐᓄᑦ ᕿᑭᖅᑕᓂ ᓄᓇᓕᓐᓂᑦ ᐊᑯᓐᓂᖏᓐᓂ1950 ᐊᒻᒪᓗ 1975, ᓲᕐᓗ ᐊᖏᕐᓯᒪᙱᒃᑲᓗᐊᖅᑎᓪᓗᒋᑦ ᑎᓕᐅᖅᑕᐅᓪᓗᑎᒃ ᐊᐅᓪᓛᖅᑎᑕᐅᖃᑦᑕᕐᓯᒪᓂᖏᑦ, ᐃᓚᒌᑦ ᐊᕕᑎᑕᐅᖃᑦᑕᕐᓯᒪᓂᖏᑦ, ᑐᖁᕋᖅᑕᐅᓚᐅᕐᓯᒪᓂᖏᑦ ᕿᒻᒦᑦ.
- $15 ᒥᓕᐊᓐ ᑐᕌᖓᔪᑦ ᕿᑭᖅᑕᓂᒃᑯᑦ ᑐᖅᑯᖅᑕᐅᕙᓪᓕᐊᔪᖁᑎᖏᓐᓄᑦ ᑮᓇᐅᔭᓄᑦ
- ᐅᖓᑖᓃᑦᑐᑦ $2 ᒥᓕᐊᓐ ᐃᓄᐃᑦ ᒥᔅᓵᓄᑦ ᐊᑐᖅᑕᐅᖃᑦᑕᕐᓯᒪᔪᓂᑦ ᐊᒻᒪᓗ ᐊᐅᓚᑦᑎᓂᕐᒧᑦ ᐱᓕᕆᐊᔅᓴᓄᑦ ᑐᕌᖓᔪᑦ
- $2.9 ᒥᓕᐊᓐ ᕿᒻᒥᓂᑦ ᐅᑎᖅᑎᑦᑎᕙᓪᓕᐊᓂᕐᒧᑦ ᐱᓕᕆᐊᔅᓴᓄᑦ
- ᐃᓚᒋᔭᐅᓪᓗᑎᒃ $100,000 ᐊᕐᕌᒍᑕᒫᑦ ᐃᑲᔫᑕᐅᖃᑦᑕᓂᐊᖅᑐᑦ ᓄᓇᕗᒥ
- ᕿᒧᔅᓯᐅᕐᔪᐊᖃᑦᑕᓂᕐᒧᑦ 2020ᒥ-2027ᒧᑦ ᐅᖓᑖᓃᑦᑐᑦ $1.2 ᒥᓕᐊᓐ ᐃᖏᕐᕋᔾᔪᑎᓄᑦ ᒪᒥᓴᕐᓂᒧᓪᓗ ᐱᓕᕆᐊᔅᓴᓄᑦ ᐃᓄᓐᓄᑦ ᐊᑑᑎᕕᐅᓯᒪᔪᓄᑦ ᑕᓪᓗᕈᑎᒥ ᐊᐅᓪᓛᖅᑕᐅᓯᒪᔪᓄᑦ, ᐊᒻᒪᓗ ᒪᑐᔭᐅᓂᕆᓚᐅᕐᓯᒪᔭᖏᑦ ᕿᕕᑦᑑᖅ, ᐹᓪᓚᕝᕕᒃ, ᐊᒻᒪᓗ ᓂᒋᐊᓃᑦᑐᑦ ᓄᓇᒋᔭᐅᖃᑦᑕᓚᐅᕐᓯᒪᔪᑦ
Recommended Posts