ᑭᓇᐅᓂᕗᑦ
ᓂᐱᔭᐅᔪᒍᑦ ᓄᓇᕗᒥ ᕿᑭᖅᑕᓂ ᓄᓇᓕᖕᓂᑦ ᐃᓄᖕᓄᑦ
ᓇᓗᓇᐃᖅᓯᔾᔪᑎᕗᑦ
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ (ᕿᑭᖅᑕᓃᒃᑯᑦ) ᓯᕗᒧᐊᖅᑎᑦᓯᓂᐊᖅᑐᑦ ᐱᔪᓐᓇᐅᑎᓂᒃ ᐃᑲᔫᓯᐊᒃᓴᓂᓗ ᕿᑭᖅᑕᓂ ᐃᓄᖕᓄᑦ ᓴᐳᔾᔨᓂᒃᑯᑦ ᐊᒻᒪᓗ ᒪᑭᑕᑎᑦᓯᓂᒃᑯᑦ ᐃᓅᓯᕐᓂ, ᒐᕙᒪᓕᕆᓂᕐᓂ, ᐱᕙᓪᓕᐊᓂᕐᓂ ᐊᒻᒪᓗ ᐃᓕᖅᑯᓯᕐᒥᑦ ᐱᔭᐅᔪᒪᔪᓂᒃ; ᐊᑕᐅᑦᓯᒃᑯᓪᓗ ᓴᐳᔾᔨᓂᕐᒥᒃ ᓄᓇᓂᒃ, ᐃᒪᓂᒃ ᐊᒻᒪᓗ ᓄᓇᒥᓐᖔᖅᑐᓂᒃ ᒪᑭᒪᑎᑦᓯᔪᓂᒃ ᓄᓇᓕᖁᑎᑦᑎᓐᓂ.
ᑕᑯᓐᓇᙳᐊᖅᑕᕗᑦ
ᒐᕙᒪᓕᕆᓂᕐᒥᒃ ᐊᒻᒪ ᐃᓕᖅᑯᓯᓕᕆᓂᕐᒥᓪᓗ ᓴᙱᓕᖅᑎᑦᓯᓂᕐᒥᒃ, ᐃᓅᓯᕆᔭᐅᔪᑦ ᖃᓄᐃᓐᓂᕆᔭᖏᓐᓂᒃ, ᐱᕙᓪᓕᐊᓂᕐᒧᑦ ᒪᑭᒪᓂᕐᒥᒃ ᐊᒻᒪᓗ ᖃᓄᐃᙱᑦᓯᐊᕐᓗᓂ ᐊᕙᑎᒋᔭᕗᑦ ᕿᑭᖅᑕᓂ ᐃᓄᖕᓄᑦ
ᐱᓕᕆᐊᒃᓴᕗᑦ
ᕿᑭᖅᑕᓃᒃᑯᑦ ᐊᕕᒃᑐᖅᓯᒪᔪᒥᒃ ᐃᓄᐃᑦ ᑲᑐᔾᔨᖃᑎᒌᖑᔪᖅ ᑭᒡᒐᖅᑐᐃᔪᒥᒃ 51%ᓂ ᐃᓄᖕᓂᑦ ᓇᔪᖅᑐᓂᒃ ᓄᓇᕗᒥ, ᓄᓇᒥᒃ ᑲᓇᑕᐅᑉ ᐅᑭᐅᖅᑕᖅᑐᖓᓂ.
ᕿᑭᖅᑕᓃᒃᑯᑦ ᑎᒃᑯᐊᖅᑕᐅᓯᒪᓪᓗᑎᒃ ᑎᒥᖁᑎᒋᔭᐅᔪᑦ ᓄᓇᕗᑦ ᐊᖏᕈᑎᐊᑕ ᐊᑖᓂ. ᕿᑭᖅᑕᓃᒃᑯᑦ ᐃᓚᒋᔭᐅᖕᒪᑦ ᐱᖓᓲᑎᓪᓗᒋᑦ ᐊᕕᒃᑐᖅᓯᒪᔪᓂ ᐃᓄᐃᑦ ᑲᑐᔾᔨᖃᑎᒌᖏᓐᓂ ᐊᒃᑐᐊᔪᓄᑦ ᓄᓇᕗᑦ ᑐᙵᕕᒃᑯᓐᓄᑦ; ᑕᐃᒃᑯᐊ ᐱᖃᑎᖏᑦ ᑲᑐᔾᔨᖃᑎᒌᖑᔪᑦ ᐅᑯᐊᖑᔪᑦ ᕿᑎᕐᒥᐅᑦ ᐃᓄᐃᑦ ᑲᑐᔾᔨᖃᑎᒌᖏᑦ ᐊᒻᒪᓗ ᑭᕙᓪᓕᕐᒥ ᐃᓄᐃᑦ ᑲᑐᔾᔨᖃᑎᒌᖏ
ᐃᖅᑲᓇᐃᔭᖃᑎᒋᕙᕗᑦ ᑲᑐᔾᔨᖃᑎᒋᔭᕗᑦ, ᓱᕐᓗ ᐃᓄᐃᑦ ᑕᐱᕇᑦ ᑲᓇᑕᒥᒃᑯᑦ ᐊᒻᒪᓗ ᐃᓄᐃᑦ ᓄᓇᕐᔪᐊᕐᒥ ᑲᑎᒪᔨᖏᑦ ᑲᓇᑕᒥ, ᐊᒻᒪᓗ ᐊᓯᖏᑦ ᐊᔾᔨᒌᙱᑦᑐᓂᒃ ᒐᕙᒪᐅᔪᓄᑦ, ᑭᒡᒐᖅᑐᖅᖢᒋᑦ ᐃᓄᐃᑦ ᐃᓄᐃᑦ ᓄᓇᖏᓐᓂ, ᐃᓄᐃᑦ ᓄᓇᖓᑦ.
ᓄᓇᕗᒥ ᐊᖏᕈᑎᖓ ᓇᓗᓇᐃᖅᓯᓯᒪᔪᑦ 356,000 km2ᓂ ᓄᓇᓂᒃ ᓄᓇᕗᒥ ᐃᓄᖕᓄᑦ ᓄᓇᖁᑎᒋᔭᐅᓂᐊᖅᖢᑎᒃ − ᐊᖏᓂᖃᖅᖢᓂ ᓄᕙᐅᓛᓐ ᓚᐸᑐᐊᕆᑎᑐᑦ.
ᑖᓐᓇ ᐊᖏᓂᓕᒃ 17.7 ᐃᓚᖓᓂᒃ ᓄᓇᕗᑦ ᐊᐅᓚᑦᑎᕕᐅᑉ. ᑖᒃᑯᐊ ᐃᓄᐃᑦ ᓄᓇᖁᑎᖏᑦ ᑐᓂᔭᐅᓯᒪᔪᑦ ᓄᓇᕗᑦ ᑐᙵᕕᒃᑯᓐᓄᑦ. ᓄᓇᕗᑦ ᑐᙵᕕᒃᑯᑦ ᑎᒃᑯᐊᖅᓯᓪᓗᑎᒃ ᑐᓂᓯᖃᑦᑕᖅᑐᑦ ᐱᓕᕆᐊᒃᓴᓂᒃ ᐃᓄᐃᑦ ᓄᓇᖁᑎᖏᓐᓂᒃ ᐊᕕᒃᑐᖅᓯᒪᔪᓂ ᐃᓄᐃᑦ ᑲᑐᔾᔨᖃᑎᒌᖏᓐᓄᑦ. ᓇᑉᐸᓪᓗᐊᖏᑦ ᐃᓄᐃᑦ ᓄᓇᖁᑎᖏᑦ ᕿᑭᖅᑕᓂ ᓄᓇᓕᖏᓐᓃᑦᑐᑦ, ᑕᐃᒪᐃᒻᒪᑦ ᖀᑭᖅᑕᓃᒃᑯᓐᓂᑦ ᓄᓇᕐᔪᐊᕐᒥ ᐊᖏᓂᖅᐹᖑᓪᓗᑎᒃ ᓇᖕᒥᓂᖁᑎᖃᖅᑎᐅᔪᑦ. ᕿᑭᖅᑕᓃᒃᑯᑦ ᐊᐅᓚᑦᑎᕙᒃᑐᑦ ᐃᓄᐃᑦ ᓄᓇᖁᑎᖏᓐᓂᒃ ᕿᑭᖅᑕᓂ ᓄᓇᓕᖕᓂ.
ᐃᖅᑲᓇᐃᔭᖅᑎᕗᑦ
ᕿᑭᖅᑕᓃᒃᑯᑦ ᑐᑦᑕᕐᕕᖃᖅᑐᑦ ᐃᖃᓗᓐᓂ, ᓄᓇᕗᒥ. 80 ᐅᖓᑖᓂ ᐃᖅᑲᓇᐃᔭᖅᑎᖃᖅᑐᒍᑦ ᑭᒡᒐᖅᑐᐃᔪᓂᒃ ᓄᓇᓕᓕᒫᓂᑦ ᕿᑭᖅᑕᓂ.
ᑲᑎᒪᔩᑦ
ᕿᑭᖅᑕᓃᒃᑯᑦ ᑲᑎᒪᔨᖏᑦ ᐱᖃᓯᐅᑎᓯᒪᔪᑦ 13ᖑᔪᓂᒃ ᓄᓇᓕᖕᓂᑦ ᑲᑎᒪᔨᓂᑦ ᓂᕈᐊᖅᑕᐅᖃᑦᑕᖅᑐᓄᑦ ᐃᓄᖕᓄᑦ ᐊᑐᓂ ᓄᓇᓕᖁᑎᒋᔭᖏᓐᓂᑦ ᕿᑭᖅᑕᓂ. ᓯᕗᓕᖅᑏᑦ ᑲᑎᒪᔨᓂᑦ ᐱᖃᓯᐅᑎᓯᒪᔪᑦ ᑎᑎᕋᖅᑎ-ᑮᓇᐅᔭᓕᕆᔨᖓ, ᐊᖓᔪᖅᑳᑉ ᑐᖏᓕᐊ ᐊᒻᒪᓗ ᐊᖓᔪᖅᑳᖅ ᓂᕈᐊᖅᑕᐅᖃᑦᑕᖅᑐᓂᒃ ᕿᑭᖅᑕᓂ ᓄᓇᓕᓕᒫᓂᑦ − ᐊᒻᒪᓗᑦᑕᐅᖅ ᐱᖓᓱᓂᒃ ᑲᑎᒪᔨᑐᐃᓐᓇᐅᓂᐊᖅᑐᓂᒃ ᑎᒃᑯᐊᖅᑕᐅᔪᓄᑦ/ᓂᕈᐊᖅᑕᐅᔪᓄᑦ ᑲᑎᒪᔨᓄᑦ.
ᓯᕗᓕᖅᑏ ᑲᑎᒪᔨᓂᑦ
ᐸᐅᓗᓯ ᐊᕿᐊᕈᖅ
ᐊᖓᔪᖅᑳᖅ
ᐅᓛᔪᒃ ᐊᑭᓱᒃ
ᐊᖓᔪᖅᑳᖅ ᑐᖏᓕᐊ
ᔫ ᐊᑕᒍᑦᑖᓗᒃ
ᑎᑎᕋᖅᑎ−ᑮᓇᐅᔭᓕᕆᔨ
ᓚᐃᓴ ᓂᖏᐅᖅ
ᑲᑎᒪᔨᑐᐃᓐᓇᖅ
ᑖᒥ ᐊᑲᕚᒃ
ᑲᑎᒪᔨᑐᐃᓐᓇᖅ
ᓕᕙᐃ ᐹᓇᐹᓯ
ᑲᑎᒪᔨᑐᐃᓐᓇᖅ
Community Directors
ᒪᐃᒃ ᔭᐃᐴᑎ
ᑲᖏᖅᑐᒑᐱᒃ
ᐹᓪ ᐊᒪᕈᐊᓕᒃ
ᖃᐅᓱᐃᑦᑐᖅ
ᐃᓄᖃᙱᑦᑐᖅ
ᓴᓂᑭᓗᐊᖅ
ᒫᑎᐅ ᓴᕕᐊᕐᔪᒃ ᔮ
ᑭᙵᐃᑦ
ᓯᑏᕙᓐ ᐴᓕ ᓘᑲᓯ
ᐃᖃᓗᐃᑦ
ᐊᐃᕙᓚᕼᒻ ᕐᑲᒪᓂᖅ
ᓴᓂᕋᔭᒃ
ᔮᓂ ᒪᓚᐃᔭ ᑯᑉᓗ
ᐃᒡᓗᓕᒃ
ᐃᓄᖃᙱᑦᑐᖅ
ᒥᑦᑎᒪᑕᓕᒃ
ᕼᐋᓕ ᐊᓗᑭ
ᕿᑭᖅᑕᕐᔪᐊᖅ
ᐲᑕ ᐃᕕᒃ
ᐸᓐᓂᖅᑑᖅ
ᕿᑭᖅᑕᓃᒃᑯᑦ ᐊᖓᔪᖅᑳᖓ
ᐲᔨᐊ ᐊᕿᐊᕈᖅ ᓯᕗᓕᖅᐹᒥᒃ ᓂᕈᐊᖅᑕᐅᓚᐅᖅᓯᒪᔪᖅ ᐊᖓᔪᖅᑳᖑᓂᕐᒧᑦ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓐᓂ 2014ᒥ ᐊᒻᒪᓗ ᓂᕈᐊᖅᑕᐅᒃᑲᓐᓂᖅᖢᓂ 2018ᒥ. ᑲᓇᑕᒥ ᐅᑭᐅᖅᑕᖅᑐᕐᒦᓐᓂᖅᐹᖑᔪᒥᑦ ᓄᓇᓕᖕᒥᐅᑕᒃᓴᔭᐅᓪᓗᓂ ᐊᐅᓱᐃᑦᑐᕐᒥ , ᐊᕿᐊᕈᖅ ᐊᒃᓱᕈᖅᖢᓂ ᐱᓕᕆᓯᒪᔪᖅ ᑭᒡᒐᖅᑐᐃᓪᓗᒋᑦ ᐃᓄᐃᑦ ᓄᓇᕗᒥ. ᕿᑭᖅᑕᓃᒃᑯᓐᓄᑦ ᐊᖓᔪᖅᑳᖑᓚᐅᖅᑎᓐᓇᒍ, ᐊᔾᔨᒌᙱᑦᑐᓂᒃ ᐱᓕᕆᐊᖃᖃᑦᑕᖅᓯᒪᔪᖅ ᐃᓄᐃᑦ ᑎᒥᖁᑎᖏᓐᓂᒃ, ᐱᖃᓯᐅᑎᓪᓗᒍ ᓄᓇᕗᑦ ᑐᙵᕕᒃᑯᑦ ᐊᒻᒪᓗ ᐃᓄᐃᑦ ᑕᐱᕇᑦ ᑲᓇᑕᒥ.
ᕿᑭᖅᑕᓃᒃᑯᑦ ᐃᖅᑲᓇᐃᔭᕐᕕᖏᑦ
ᓯᕗᓕᖅᑏᑦ ᐊᐅᓚᑦᓯᕕᐊ
ᑲᒪᒋᔭᖃᕐᐸᑦᑐᑦ ᑲᑎᒪᔨᓅᖓᔪᓂᑦ ᓯᕗᓕᖅᑎᖏᓐᓅᖓᔪᓂᓪᓗ ᐊᒻᒪᓗ ᑲᒪᒋᔭᖃᕐᐸᑦᑐᑎᒃ ᐃᖅᑲᓇᐃᔮᕆᕙᑦᑕᓕᒫᖏᓐᓂᒃ ᕿᑭᖅᑕᓂᒃᑯᓐᓂ ᐊᓪᓚᕝᕕᖁᑎᖏᑕ.
ᑐᓴᐅᒪᖃᑦᑕᐅᑎᓕᕆᔨᒃᑯᑦ
ᐱᔭᒃᓴᖃᖅᑐᑦ ᑎᒥᐅᔪᒧᑦ ᑐᓴᐅᒪᖃᑦᑕᐅᑎᔾᔪᑎᓂᒃ ᐊᒻᒪᓗ ᖃᐅᔨᒪᑎᑦᓯᒍᑎᒃᓴᓂᓗ.
ᐱᒻᒪᕆᐋᓗᖕᓂ ᐱᓕᕆᐊᒃᓴᓕᕆᔨᒃᑯᑦ
ᐱᔭᒃᓴᖃᖅᑐᑦ ᐊᖏᔪᓂᒃ ᐱᔭᕇᑐᔪᓂᓪᓗ ᐱᓕᕆᐊᒃᓴᓂ ᓱᕐᓗ ᓄᓘᔭᖕᒥ ᐅᔭᕋᕐᓂᐊᕐᕕᒃ.
ᐃᒪᓕᓂᕐᒥᒃ ᐅᒪᔪᓕᕆᓂᕐᒥᓪᓗ
ᓄᓇᓕᕆᔨᒃᑯᑦ
ᐱᔭᒃᓴᖃᖅᑐᑦ ᐊᐅᓚᑦᑎᓂᕐᒥᒃ ᐃᓄᐃᑦ ᓄᓇᖁᑎᖏᓐᓂᑦ
ᐃᓅᓯᓕᕆᓂᕐᒧᑦ ᐸᕐᓇᐃᔨᒃᑯᑦ
ᐱᔭᒃᓴᖃᖅᑐᑦ ᐃᓅᓯᓕᕆᓂᕐᒥᒃ ᐊᒻᒪᓗ ᐃᓕᖅᑯᓯᓕᕆᓂᕐᒥᒃ ᐊᑐᐊᒐᓂᒃ ᐱᓕᕆᐊᒃᓴᓂᓗ, ᕿᑭᖅᑕᓂ ᓱᓕᔪᒥᒃ ᑭᓪᓕᓯᓂᐊᖅᑎᒃᑯᓐᓂ, ᐃᓅᓱᒃᑐᓄᑦ ᐱᓕᕆᐊᒃᓴᓂ ᐊᒻᒪᓗ ᓄᓇᓕᖕᓂ ᑐᕌᖓᔪᓂᒃ ᖃᐅᔨᓴᕐᓂᕐᒥᒃ ᐱᒋᐊᕈᑎᒃᓴᓂ.
ᑮᓇᐅᔭᓕᕆᔨᒃᑯᑦ
ᐱᔭᒃᓴᖃᖅᑐᑦ ᑮᓇᐅᔭᓕᕆᓂᕐᒥᒃ ᐊᐅᓚᑕᐅᔪᓂᒃ ᑎᒥᐅᔪᒧᑦ.
ᐃᖅᑲᓇᐃᔭᖅᑐᓕᕆᔨᒃᑯᑦ
ᐱᔭᒃᓴᖃᖅᑐᑦ ᐃᖅᑲᓇᐃᔭᖅᑎᒃᓴᖅᓯᐅᕐᓂᕐᒥᒃ, ᐃᖅᑲᓇᐃᔭᖅᑎᓂ ᐊᒻᒪᓗ ᐊᐅᓚᑦᑎᔾᔪᑎᓂᒃ ᐱᓕᕆᐊᒃᓴᓂ
ᕿᑭᖅᑕᓃᒃᑯᑦ ᓄᓇᓕᖕᓂᑦ ᑐᓴᐅᒪᑎᑦᓯᔩᑦ
ᕿᑭᖅᑕᓃᒃᑯᑦ ᐃᖅᑲᓇᐃᔭᖅᑎᖃᖅᑐᑦ ᓄᓇᓕᖕᓂᑦ ᑐᓴᐅᒪᑎᑦᓯᔨᓂ ᐊᑐᓂ 13ᓂ ᕿᑭᖅᑕᓂ ᓄᓇᓕᖕᓂᑦ
ᐅᓛᓇ ᓄᕿᙵᖅ | ᓄᓇᓕᓐᓂ ᑐᓴᐅᒪᑎᑦᑎᔨᓂᑦ ᑲᒪᔨ | ᑎᑎᖅᑲᓂᐊᕐᕕᖓ 1340, ᐃᖃᓗᐃᑦ, ᓄᓇᕗᑦ X0A 0H0 | ᐅᖄᓚᐅᑖ: 867•975•8449 | ᓱᑲᑦᑐᑰᕈᑖ: 867•979•3238 | onuqingaq@qia.ca |
ᔮᒃ ᐅᐃᓕ | ᐃᒃᐱᐊᕐᔪᒃ | ᑎᑎᖅᑲᓂᐊᕐᕕᖓ 69, ᐃᒃᐱᐊᕐᔪᒃ, ᓄᓇᕗᑦ X0A 0A0 | ᐅᖄᓚᐅᑖ: 867•439•8277 | ᓱᑲᑦᑐᑰᕈᑖ: 867•439•8217 | jwillie@qia.ca |
ᔫᐋᓐ ᒫᒃ ᑭᙵᐃᑦ | ᑭᙵᐃᑦ | ᑎᑎᖅᑲᓂᐊᕐᕕᖓ 151, ᑭᙵᐃᑦ, ᓄᓇᕗᑦ X0A 0C0 | ᐅᖄᓚᐅᑖ: 867•897•8638 | ᓱᑲᑦᑐᑰᕈᑖ: 867•897•8650 | jmark@qia.ca |
ᓃᓇ ᕿᓪᓚᖅ | ᑲᖏᖅᑐᒑᐱᒃ | ᑎᑎᖅᑲᓂᐊᕐᕕᖓ 159, ᑲᖏᖅᑐᒑᐱᒃ, NU X0A 0E0 | ᐅᖄᓚᐅᑖ: 867•924•6119 | ᓱᑲᑦᑐᑰᕈᑖ: 867•924•6120 | nqillaq@qia.ca |
ᓚᐃᓴ ᐅᐊᑦᓯᑰ | ᐊᐅᓱᐃᑦᑐᖅ | ᑎᑎᖅᑲᓂᐊᕐᕕᖓᓐᓄᑦ, ᐊᐅᓱᐃᑦᑐᖅ, ᓄᓇᕗᑦ X0A 0J0 | ᐅᖄᓚᐅᑖ: 867•980•4076 | ᓱᑲᑦᑐᑰᕈᑖ: 867•980•4078 | lwatsko@qia.ca |
ᓕᓕ ᐊᕐᓇᕐᔪᐊᖅ | ᓴᓂᕋᔭᒃ | ᑎᑎᖅᑲᓂᐊᕐᕕᖓ 9, ᓴᓂᕋᔭᒃ, ᓄᓇᕗᑦ X0A 0K0 | ᐅᖄᓚᐅᑖ: 867•928•8103 | ᓱᑲᑦᑐᑰᕈᑖ: 867•928•8114 | larnaqjuaq@qia.ca |
ᓯᑐᓂ ᐅᖔᓛᖅ | ᐃᒡᓗᓕᒃ | ᑎᑎᖅᑲᓂᐊᕐᕕᖓ 117, ᐃᒡᓗᓕᒃ, ᓄᓇᕗᑦ X0A 0L0 | ᐅᖄᓚᐅᑖ: 867•934•8760 | ᓱᑲᑦᑐᑰᕈᑖ: 867•934•8562 | sungalaq@qia.ca |
ᒪᕇ ᒪᐃᑯ | ᐃᖃᓗᐃᑦ | ᑎᑎᖅᑲᓂᐊᕐᕕᖓ 1340, ᐃᖃᓗᐃᑦ, ᓄᓇᕗᑦ X0A 0H0 | ᐅᖄᓚᐅᑖ: 867•975•8420 | ᓱᑲᑦᑐᑰᕈᑖ: 867•979•3238 | mmichael@qia.ca |
ᐱᐅᕆ ᐃᑭᓪᓗᐊᖅ | ᑭᒻᒥᕈᑦ | ᑎᑎᖅᑲᓂᐊᕐᕕᖓ 82, ᑭᒻᒥᕈᑦ, ᓄᓇᕗᑦ X0A 0N0 | ᐅᖄᓚᐅᑖ: 867•939•2135 | ᓱᑲᑦᑐᑰᕈᑖ: 867•939•2134 | pikkidluak@qia.ca |
ᓰᓇ ᒫᒃᒧ | ᐸᓐᓂᖅᑑᖅ | ᑎᑎᖅᑲᓂᐊᕐᕕᖓ 633, ᐸᓐᓂᖅᑑᖅ, ᓄᓇᕗᑦ X0A 0R0 | ᐅᖄᓚᐅᑖ: 867•473•8991 | ᓱᑲᑦᑐᑰᕈᑖ: 867•473•8994 | smachmer@qia.ca |
ᔪᐊᐱ ᐆᑐᕙ | ᒥᑦᑎᒪᑕᓕᒃ | ᑎᑎᖅᑲᓂᐊᕐᕕᖓ 459, ᒥᑦᑎᒪᑕᓕᒃ, ᓄᓇᕗᑦ X0A 0S0 | ᐅᖄᓚᐅᑖ: 867•899•8640 | ᓱᑲᑦᑐᑰᕈᑖ: 867•899•8642 | jootova@qia.ca |
ᓗᐊᓇ ᖁᓪᓗᐊᓕᒃ | ᕿᑭᖅᑕᕐᔪᐊᖅ | ᑎᑎᖅᑲᓂᐊᕐᕕᖓ 239, ᕿᑭᖅᑕᕐᔪᐊᖅ, ᓄᓇᕗᑦ X0A 0B0 | ᐅᖄᓚᐅᑖ: 867•927•8195 | ᓱᑲᑦᑐᑰᕈᑖ: 867•927•8196 | lkullualik@qia.ca |
ᓲᓴᓐ ᓴᓪᓗᕕᓂᖅ | ᖃᐅᓱᐃᑦᑐᖅ | ᑎᑎᖅᑲᓂᐊᕐᕕᖓ 118, ᖃᐅᓱᐃᑦᑐᖅ, ᓄᓇᕗᑦ X0A 0V0 | ᐅᖄᓚᐅᑖ: 867•252•3127 | ᓱᑲᑦᑐᑰᕈᑖ: 867•252•3129 | ssalluviniq@qia.ca |
ᔫᓕ ᐃᒥᖅᑯᑕᐃᓚᒃ | ᓴᓂᑭᓗᐊᖅ | ᑎᑎᖅᑲᓂᐊᕐᕕᖓ 90, ᓴᓂᑭᓗᐊᖅ, ᓄᓇᕗᑦ X0A-0W0 | ᐅᖄᓚᐅᑖ: 867•266•8162 | ᓱᑲᑦᑐᑰᕈᑖ: 867•266•8163 | jemikotailak@qia.ca |
ᑎᒥᖁᑎᕗᑦ
ᑮᓇᐅᔭᕗᑦ
ᐅᑑᕙᒥ 2016ᒥ, ᕿᑭᖅᑕᓃᒃᑯᑦ ᓴᖅᑭᑎᑦᓯᓚᐅᕐᒪᑕ ᓄᑖᒥᒃ ᑮᓇᐅᔭᐃᑦ ᐃᓯᖅᑐᓄᑦ ᐊᑐᐊᒐᕐᒥ ᐊᑐᖅᑕᐅᓂᐊᖅᖢᓂ ᖃᓄᖅ ᕿᑭᖅᑕᓃᒃᑯᓐᓄᑦ ᑮᓇᐅᔭᐃᑦ ᐃᓯᖅᑐᑦ ᑭᓱᓄᑦ ᐊᑐᕐᓂᐊᕐᒪᖔᑖᒃ ᐊᒻᒪᓗ ᑐᓂᐅᖅᑲᐅᑕᐅᓂᐊᕐᓂᖏᑦ ᐱᔨᑦᓯᑦᓯᐊᒃᑲᓐᓂᕈᒪᓪᓗᑎᒃ ᕿᑭᖅᑕᓂ ᐃᓄᖕᓂ. ᑐᕌᒐᖃᓚᐅᖅᑐᑦ ᓇᓗᓇᐃᖅᓯᒍᒪᓪᓗᑎᒃ ᒪᑐᐃᖓᑦᓯᐊᕐᓂᖓᓂ ᓴᖅᑭᔮᑦᓯᐊᕐᓂᖓᓂᓗ ᑮᓇᐅᔭᐃᑦ ᐅᓂᒃᑳᕆᔭᐅᓂᖏᓐᓄᑦ ᖃᓄᖅ ᐊᑐᖅᑕᐅᖕᒪᖔᑖᒃ ᑮᓇᐅᔭᐃᑦ. ᑖᓐᓇ ᑮᓇᐅᔭᓄᑦ ᐃᓯᖅᑐᓄᑦ ᐊᑐᐊᒐᖓ ᓴᖅᑭᑎᑦᓯᓚᐅᕐᒥᔪᖅ ᒪᕐᕉᓂᒃ ᓄᑖᓂᒃ ᑮᓇᐅᔭᖃᕐᕕᓂᒃ:
- ᑐᖅᑯᖅᓯᒪᔪᓂᒃ ᑮᓇᐅᔭᓂ, ᑮᓇᐅᔭᓂᒃ ᐱᕈᖅᑎᑦᓯᓂᐊᖅᑐᒥᒃ ᐊᑐᖅᑕᐅᔪᒃᓴᒫᖑᓂᐊᖅᖢᑎᒃ ᓯᕗᓂᒃᓴᒥ
- ᐃᑲᔪᓯᐊᒃᓴᓄᑦ ᑮᓇᐅᔭᐃᑦ, ᓴᖅᑭᑎᑦᓯᒍᑕᐅᓪᓗᑎᒃ ᐱᓕᕆᐊᒃᓴᓂ ᐃᓄᖕᓄᑦ
ᑖᒃᑯᐊ ᑐᖅᑯᖅᓯᒪᔪᑦ ᑮᓇᐅᔭᐃᑦ ᐃᓯᖅᑐᓂ ᐃᓕᔭᐅᓯᒪᔪᑦ ᐊᔾᔨᒌᙱᑦᑐᓂᓐᖔᖅᑐᓂᒃ ᐊᑭᓕᐅᓯᐊᓂᑦ ᓱᕐᓗ ᐃᓄᐃᑦ ᐊᒃᑐᖅᑕᐅᓂᐊᕐᓂᖏᓐᓄᑦ ᐃᑲᔫᓯᐊᒃᓴᓂ ᐊᖏᕈᑎᓂᑦ (ᐊᖏᕈᑎᑦ), ᑮᓇᐅᔭᐃᑦ ᐱᔭᐅᕙᒃᑐᑦ ᓄᓇᕗᑦ ᑐᙵᕕᒃᑯᓐᓂᑦ, ᐅᔭᕋᕐᓂᐊᕐᕕᖕᓂᑦ ᐅᔭᕋᕐᓂᐊᖅᑎᓪᓗᒋᑦ ᐃᓄᐃᑦ ᓄᓇᖁᑎᖏᓐᓂᑦ , ᑮᓇᐅᔭᖅᑖᖅᐸᒃᖢᑎᒃ ᓯᐅᕋᕐᓂ ᑐᐊᐸᓂᓪᓗ ᐊᑐᕐᓂᕐᒧᑦ ᐃᓄᐃᑦ ᓄᓇᖁᑎᖏᓐᓂᑦ, ᓂᖏᖅᑕᐅᔪᓂᓗ ᕿᑭᖅᑖᓗᒃ ᑯᐊᐳᕇᓴᒃᑯᓐᓂᑦ ᐊᒻᒪ ᓄᓇᓯ ᑯᐊᐳᕇᓴᒃᑯᓐᓂᓗ , ᐊᒻᒪᓗ ᑐᖅᑯᖅᓯᒪᔪᓂᑦ ᑮᓇᐅᔭᐃᑦ ᑮᓇᐅᔭᓕᐅᕈᑕᐅᔪᓂᑦ.
ᑖᓐᓇ ᐃᑲᔫᓯᐊᒃᓴᓄᑦ ᑮᓇᐅᔭᐃᑦ ᐊᑐᖅᑕᐅᖃᑦᑕᖅᑐᑦ ᐃᓅᓯᕐᓂ ᐃᓕᖅᑯᓯᕐᒥᓗ ᐱᓕᕆᐊᒃᓴᓄᑦ ᕿᑭᖅᑕᓂ ᓄᓇᓕᖕᓂᑦ. ᑖᒃᑯᐊ ᐃᑲᔫᓯᐊᒃᓴᓄᑦ ᑮᓇᐅᔭᐃᑦ ᑮᓇᐅᔭᖅᑖᕙᒃᑐᑦ ᑐᖅᓯᒪᔪᓂ ᑮᓇᐅᔭᓂᑦ ᐊᕐᕌᒍᑕᒫᕐᒥᓗ ᑐᕌᒐᖃᖅᖢᑎᒃ ᑮᓇᐅᔭᓕᐅᖅᑕᐅᔪᓂᒃ 4%ᓂ, ᓈᓴᐅᓯᖅᑐᖅᑕᐅᓪᓗᑎᒃ ᐊᒻᒪᓗ ᐋᖅᑭᒋᐊᖅᑕᐅᕙᒃᖢᑎᒃ ᓴᖅᑭᑕᐅᓚᐅᖅᑎᓪᓗᒋᑦ ᑖᒃᑯᐊ ᑕᒻᒪᖅᓯᒪᔪᖅᓯᐅᖅᑕᐅᓯᒪᔪᑦ ᑮᓇᐅᔭᐃᑦ ᓇᓕᖅᑲᖏᑦ
ᐃᑲᔫᓯᐊᒃᓴᓂ ᑮᓇᐅᔭᓄᑦ ᐊᕐᕌᒍᑕᒫᖅᓯᐅᒻᒥ ᐅᓂᒃᑳᖏᑦ ᐅᓂᒃᑳᖅᓯᒪᔪᑦ ᐱᓕᕆᐊᖑᓚᐅᖅᑐᓂᒃ ᐊᑐᖅᑕᐅᓪᓗᓂ ᐃᑲᔫᓯᐊᒃᓴᓂ ᑮᓇᐅᔭᖏᑦ.