ᐃᓕᓐᓂᐊᕐᓂᖅ ᐊᒻᒪ ᐅᖃᐅᓯᓕᕆᓂᖅ
ᐃᓕᓐᓂᐊᕈᓯᐊᔅᓴᑦ
ᕿᑭᖅᑕᓂᒃᑯᓐᓂᑦ ᓯᓚᑦᑐᓴᕐᕕᒻᒥ ᐃᓕᓐᓂᐊᖅᑐᓄᑦ ᐃᑲᔫᓯᐊᔅᓴᑦ
ᐊᕐᕌᒍᑕᒫᑦ ᕿᑭᖅᑕᓂᒃᑯᑦ ᑐᓂᓯᖃᑦᑕᓲᖑᒻᒪᑕ ᐅᖓᑖᓃᑦᑐᓂᑦ $200,000 ᐊᕐᕌᒍᑕᒫᑦ ᐃᓕᓐᓂᐊᓂᕐᒧᑦ ᐃᑲᔫᓯᐊᔅᓴᓂᑦ ᕿᑭᖅᑕᓂ ᐃᓕᓐᓂᐊᖅᑎᓄᑦ ᓯᓚᑦᑐᓴᕐᕕᒻᒥ ᐃᓕᓐᓂᐊᖃᑦᑕᖅᑐᓄᑦ. ᑖᒃᑯᐊ ᐃᒪᐃᑦᑑᕙᑦᑐᑦ 80 ᕿᑭᖅᑕᓂ ᐃᓕᓐᓂᐊᕈᓯᐊᔅᓴᑦ $2,500/ᐊᕐᕌᒍᑕᒫᑦ ᐊᒻᒪᓗᑦᑕᐅᖅ $5,000 ᔮᓐ ᐊᒪᕈᐊᓕᒃ ᐃᓕᓐᓂᐊᕈᓯᐊᔅᓴᑦ.
ᑭᐅᔾᔪᑕᐅᖃᑦᑕᕐᓯᒪᔪᑦ ᐃᓕᓐᓂᐊᖅᑎᓂᑦ ᑕᑯᔾᔪᑕᐅᖃᑦᑕᕐᖓᑕ ᐃᓕᓐᓂᐊᕈᓯᐊᖅᑖᖑᕙᑦᑐᑦ ᐊᑑᑎᖃᓪᓚᕆᐊᑦᑐᐊᓘᕙᒻᒪᑕ ᐃᑲᔫᑎᖃᕐᐸᑦᑐᑎᒃ ᐃᓄᓐᓄᑦ ᓯᓚᑦᑐᓴᕐᕕᒻᒥ ᐃᓕᓐᓂᐊᕈᓐᓇᑎᑦᑎᕙᑦᑐᑎᒃ.
ᕿᑭᖅᑕᓂᒃᑯᑦ ᑐᔅᓯᕋᐅᓯᐅᖁᔨᒐᔪᓲᑦ ᐊᐅᔭᐅᓱᖓᓕᕋᐃᒻᒪᑦ, ᐊᒻᒪᓗ ᒪᓕᑦᑐᒋᑦ ᐊᒥᓲᓂᕆᕙᑦᑕᖏᑦ ᑐᔅᓯᕋᒃᑲᓐᓂᖃᑦᑕᖅᑐᑦ, ᑐᖏᓕᐊᓂ ᑐᔅᓯᕋᐅᓯᐅᖁᔨᔾᔪᑎᖃᒃᑲᓂᕐᐸᒻᒥᔪᑦ ᔮᓐᓄᐊᓕᐅᓕᖅᑎᓪᓗᒍ. ᐃᓘᓐᓇᑎᒃ ᑐᔅᓯᕋᐅᑏᑦ ᑐᓂᔭᐅᖃᑦᑕᕆᐊᖃᓲᑦ ᖃᕋᓴᐅᔭᒃᑰᖅᑎᑕᐅᓗᑎᒃ.
ᒪᓕᒐᕆᕙᑦᑕᖏᑦ ᕿᑭᖅᑕᓂᒃᑯᓐᓂᑦ ᐊᒻᒪᓗ ᔮᓐ ᐊᒪᕈᐊᓕᒃ ᐃᓕᓐᓂᐊᕈᓯᐊᔅᓴᓂᑦ:
- ᕿᑭᖅᑕᓂ ᐃᓄᖏᑦ ᐊᑎᓕᐅᖅᑕᐅᓯᒪᔪᑦ ᓄᓇᕗᑦ ᑐᙵᕕᒃᑯᑦ ᑎᒥᖓᓐᓂ (ᓄᓇᕗᑦ ᑐᙵᕕᒃᑯᑦ ᑎᒥᖓᑦ) ᓄᓇᕗᑦ ᐊᖏᖃᑎᒌᒍᑎᑎᒍᑦ
- ᓄᓇᖃᕐᓯᒪᓗᑎᒃ ᕿᑭᖅᑕᓂ ᖁᓕᓂᑦ ᒪᕐᕉᓂᓪᓗ ᑕᖅᑭᓂᑦ ᐅᖓᑖᓂᓘᓐᓃᑦ
- ᐊᑎᓕᐅᖅᑕᐅᓯᒪᓗᑎᒃ ᐃᓕᓐᓂᐊᖅᑎᐅᓂᐊᕐᓂᖏᓐᓂᒃ ᓯᓚᑦᑐᓴᕐᕕᒻᒥ ᐃᓕᓐᓂᐊᕈᒻᒥᑦ
ᑐᑭᓯᒃᑲᓐᓂᕈᒪᒍᔅᓯ ᐅᕝᕙᓘᓐᓃᑦ ᐱᔪᒪᒍᔅᓯᐅᒃ ᑐᔅᓯᕋᐅᓯᐅᕈᑦ:
ᐃᕐᖐᓈᖅᑕᐅᑖ: scholarship@QIA.ca
ᐅᖃᐅᓯᓕᕆᔾᔪᑎ ᐅᓪᓗᒥ
ᐅᔾᔨᓇᕐᓯᑎᑦᑎᒋᐊᕈᑕᐅᕙᑦᑐᖅ ᐃᓄᒃᑎᑐᑦ ᐅᖃᐅᓯᕐᒥᒃ ᐊᒻᒪᓗ ᐃᓄᐃᑦ ᓴᓇᐅᒐᖏᓐᓂᑦ
ᐅᖃᐅᓯᓕᕆᔾᔪᑎᐅᕙᑦᑐᑦ ᖃᐅᑕᒫᑦ ᐱᒋᐊᖅᑎᑕᐅᓂᑯ ᓴᖅᑭᔮᖅᑎᑦᑎᒋᐊᒃᑲᓐᓂᕈᑕᐅᕙᑦᑐᓂ ᐃᓄᒃᑎᑐᑦ ᐅᖃᐅᓯᕐᒥᒃ ᐊᒻᒪᓗ ᐃᓄᐃᑦ ᓴᓇᐅᒐᖏᓐᓂᑦ ᐊᖅᑯᑎᒋᕙᑦᑐᒍ ᕿᑭᖅᑕᓂᒃᑯᑦ ᖃᕋᓴᐅᔭᒃᑯᑦ ᕙᐃᔅᐳᒃᑯᑦ ᑐᑭᓯᒋᐊᕈᑎᖃᕐᕕᖓ, ᐊᔾᔨᙳᐊᓕᕆᔾᔪᑎᑎᒍᑦ ᐊᒻᒪᓗ ᐅᖃᓗᕋᐅᔭᐅᑎᑎᒍᑦ ᐃᓄᓕᒫᓄᑦ ᑐᓴᕋᔅᓴᓕᕆᒍᑕᐅᓲᑦ.
ᐅᖃᐅᓯᓕᕆᔾᔪᑎᐅᕙᑦᑐᖅ ᖃᐅᑕᒫᑦ ᐱᒋᐊᖅᑎᑕᐅᓂᑯ ᕖᕝᕗᐊᓕ 2017ᖑᑎᓪᓗᒍ. ᐅᖃᐅᓯᓕᕆᔾᔪᑎ ᖃᐅᑕᒫᑦ ᐃᓄᒃᑎᑑᖓᔪᓂᑦ ᐅᖃᐅᓯᓂᕐᑦ ᓴᖅᑭᑎᑦᑎᓲᑦ ᐊᒻᒪᓗ/ᐅᕝᕙᓘᓐᓃᑦ ᐅᖃᕈᓯᕐᓂᑦ ᑐᑭᓕᐅᖅᑕᐅᓯᒪᕙᑦᑐᑎᒃ ᐊᒻᒪᓗ ᖃᓄᖅ ᐅᖃᖅᑕᐅᓲᖑᒻᒪᖔᑕ ᑎᑎᕋᕐᓯᒪᕙᑦᑐᑎᒃ ᓴᖅᑭᖅᑎᑕᐅᕙᑦᑐᑦ ᐃᓄᐃᑦ ᓴᓇᐅᒐᖏᓐᓂᒃ ᓴᖅᑭᑎᑦᑎᓯᓐᓈᖅᑐᑎᒃ. ᐅᖃᐅᓯᓕᕆᔾᔪᑎᐅᕙᑦᑐᑦ ᖃᐅᑕᒫᑦ ᖁᕕᐊᒋᔭᐅᓂᕐᐹᕈᖅᑕᐅᑎᒋᓯᒪᔪᑦ ᐃᓚᖏᑦ ᓴᖅᑭᖅᑕᐅᕙᑦᑐᑦ ᐱᐅᒋᔭᐅᕙᑦᑐᑎᒃ ᐊᒻᒪᓗ ᑕᑯᖅᑯᔾᔨᒋᐊᒃᑲᓐᓂᕈᑕᐅᕙᑦᑐᑎᒃ Hᐊᓐᓇᓚᐃᕋᖅᑐᒋᑦ. ᐅᑭᐅᖅ 2019 ᐅᖃᐅᓯᓕᕆᔾᔪᑎᐅᕙᑦᑐᖅ ᐃᓚᓕᐅᔾᔨᔪᔪᖅ ᓂᐱᓕᐅᕐᓯᒪᔪᓂᑦ ᐊᑐᓂᑦ ᐅᖃᐅᓯᕐᓄᑦ ᐅᖃᖅᑕᐅᔾᔪᑎᖏᓐᓄᓪᓗ
ᑐᓴᐅᒪᐃᓐᓇᖃᑦᑕᒃᑭᑦ ᕿᑭᖅᑕᓂᒃᑯᑦ ᖃᕋᓴᐅᔭᒃᑯᑦ ᐅᕘᓇ Facebook, Instagram ᐊᒻᒪᓗ Twitter ᐃᓕᖃᑦᑕᕐᓂᐊᕋᔅᓯ ᑐᓴᕆᐅᖅᑕᓯᓐᓂᒃ ᐃᓄᒃᑎᑐᑦ ᐅᖃᐅᓯᕐᓂᑦ ᖃᐅᑕᒫᑦ.
ᓱᐳᕋᐅᑦᔅ ᐅᓪᓗᖅᓯᐅᕆᐊᖅᑐᕐᕕᒃ ᓱᕈᓯᕐᓄᑦ
ᕿᑭᖅᑕᓃᒃᑯᑦ ᐅᐱᒍᓱᒃᖢᑎᑦ ᑮᓇᐅᔭᖃᖅᑎᑦᓯᕙᒃᑐᑦ ᓯᐳᕋᐅᑦᔅᒥ ᐅᓪᓗᖅᓯᐅᕆᐊᖅᑐᕐᕕᖕᒥ ᓱᕈᓯᕐᓄᑦ. ᑖᓐᓇ ᐱᓕᕆᐊᖅ ᐸᐃᕆᖃᑦᑕᖅᑐᑦ, ᐱᙳᐊᖅᑎᑕᐅᕙᒃᑐᑦ ᐊᒻᒪᓗ ᐃᓕᓐᓂᐊᖅᑎᑕᐅᓪᓗᑎᒃ ᓱᕈᓯᕐᓂ ᐊᕐᕌᒍᓕᖕᓄᑦ 5ᒥᑦ 9ᒧᑦ, ᐃᑲᔪᖅᑎᖃᖅᖢᑎᒃ (ᐊᕐᕌᒍᓕᖕᓂᑦ 10ᒥᑦ 12ᒧᑦ) ᐊᒻᒪᓗ ᐃᖅᑲᓇᐃᔭᖅᑎᖃᖅᖢᑎᒃ (ᐊᕐᕌᒍᓕᖕᓂᑦ 13ᒥᑦ 18ᒧᑦ). ᓯᐳᕋᐅᑦᔅ ᐊᕐᕌᒍᑕᒫᑦ ᐊᐅᓚᑕᐅᕙᒃᑐᖅ ᓯᑕᒪᓄᑦ ᐱᖓᓲᔪᖅᑑᔪᓄᓪᓗ ᐱᓇᓱᐊᕈᓯᓂ ᔪᓚᐃᒥ ᐊᒡᒌᓯᒧᑦ.
ᐱᔾᔪᑎᓪᓗᐊᑕᖓ ᑖᔅᓱᒪᐅᑉ ᐱᓕᕆᐊᑉ ᐃᓄᖕᓂ ᐃᓅᓱᒃᑐᓂ ᓯᕗᒃᑲᖅᑎᐅᓂᕐᒧᑦ ᐃᓕᓐᓂᐊᖅᑎᑕᐅᓪᓗᑎᒃ, ᑲᑐᔾᔨᖃᑎᒌᖕᓂᕐᒥᒃ ᐊᒻᒪᓗ ᐱᔭᒃᓴᒥᒃ ᐋᖅᑭᒃᓯᔪᓐᓇᕐᓂᕐᒥᒃ ᓴᖅᑭᑎᑦᓯᓂᕐᒥᓗ. ᐊᑐᖅᖢᑎᒃ ᐃᓄᐃᑦ ᐱᐅᓯᑐᖃᖏᓐᓂᒃ ᐃᓚᐅᑎᑦᓯᖃᑦᑕᕐᓂᕐᒥᒃ ᐃᓕᓐᓂᐊᕐᓂᕐᒧᑦ ᖃᐅᔨᓴᖅᑐᓕᕆᓂᕐᒥᒃ ᐊᒻᒪᓗ ᓴᓇᙳᐊᕐᓂᕐᒥᓗ, ᓱᕈᓰᑦ ᐃᓅᓱᒃᑐᓪᓗ ᐃᓚᐅᕙᒃᖢᑎᒃ ᐊᔾᔨᒌᙱᑦᑐᓂᒃ ᐱᓕᕆᐊᒃᓴᓂ, ᐱᖃᓯᐅᑎᓪᓗᒋᑦ ᐅᑯᐊ:
- ᓴᓇᙳᐊᕐᓂᖅ
- ᐱᙳᐊᕐᓂᖅ ᑲᑎᒻᒪᓪᓗᑎᒃ
- ᖃᐅᔨᓴᖅᑐᓕᕆᓂᕐᒥᒃ ᐱᓕᕆᐊᒃᓴᓂ
- ᓄᓇᓕᐊᕐᓂᖅ − ᐊᒻᒨᒪᔾᔨᐊᕐᓂᖅ, ᐃᖃᓪᓕᐊᕐᓂᖅ, ᐊᓯᖏᓪᓗ ᓯᓚᒥ ᖃᓄᐃᓕᐅᕈᑎᓂ
- ᐃᒐᑎᑦᓯᓂᖅ ᐊᒻᒪᓗ ᓴᓗᒻᒪᖅᓴᐃᑎᑕᐅᓪᓗᑎᒃ ᐃᓕᓐᓂᐊᖅᑎᑦᓯᒐᓱᒃᖢᑎᒃ ᐃᑲᔪᖃᑕᐅᒋᐊᖃᕐᓂᕐᒥᒃ
ᓯᐳᕋᐅᑦᔅ ᐱᒋᐊᖅᑕᐅᓚᐅᖅᓯᒪᔪᖅ 1996ᒥ ᐊᒻᒪᓗ ᐊᕐᕌᒍᑕᒫᑦ ᓴᖅᑭᑎᑕᐅᕙᒃᖢᓂ ᐃᖃᓗᓐᓂ. 50ᓂ ᓱᕈᓯᕐᓂ ᐃᓅᓱᒃᑐᓂᓗ ᐃᓚᐅᔪᖃᕈᓐᓇᖅᑐᖅ ᐃᓕᓐᓂᐊᖅᑎᑕᐅᓪᓗᑎᒃ ᐊᐅᔭᒃᑯᑦ ᐃᓕᖅᑯᓯᕐᒥ ᖃᓄᐃᓕᐅᖅᑎᑦᓯᕙᒃᖢᑎᒃ ᐊᕐᕌᒍᑕᒫᑦ. ᕿᑭᖅᑕᓃᒃᑯᑦ ᓄᓇᓕᖕᓂ ᐃᑲᔪᖅᖢᑎᒃ ᑕᐃᒪᓐᓇᐃᑦᑐᓂ ᐱᓕᕆᐊᒃᓴᓂ ᓴᖅᑭᑎᑦᓯᕙᖕᒥᔪᑦ ᕿᑭᖅᑕᓂ ᓄᓇᓕᖕᓂ. 2020ᒥ, ᕿᑭᖅᑕᓃᒃᑯᑦ ᐅᐃᒍᒋᐊᖅᓯᓚᐅᖅᑐᑦ ᐱᓕᕆᐊᕐᒥ ᐸᖕᓂᖅᑑᒧᑦ ᓴᖅᑭᑕᐅᓂᐊᖅᖢᓂ ᐅᐱᕐᖔᒥ. ᑖᓐᓇ ᐱᓕᕆᐊᖅ ᐃᔾᔪᐊᖅᓯᒪᓂᐊᖅᑐᖅ ᓯᐳᕋᐅᑦᔅᑎᑐᑦ ᐊᐅᔭᒃᑯᑦ ᖃᓄᐃᓕᐅᖅᑎᑦᓯᓂᖓᓂ.
ᕿᑭᖅᑕᓃᒃᑯᑦ ᖁᔭᓐᓇᒦᖅᓯᒪᔪᑦ ᐊᒃᓱᐋᒃᑯᓐᓂ ᐃᑲᔪᖅᓯᒪᓂᖏᓐᓂᒃ ᖃᐅᔨᓴᖅᑐᓕᕆᓂᕐᒧᑦ ᐱᓕᕆᐊᖑᔪᓂᒃ ᓯᐳᕋᐅᑦᓯᓄᑦ ᐅᓪᓗᖅᓯᐅᕆᐊᖅᑐᕐᕕᖕᒧᑦ
ᑐᑭᓯᒍᒪᒍᕕᑦ ᖃᓄᖅ ᐱᓇᓱᖃᑕᐅᔪᓐᓇᕐᒪᖔᖅᐲᑦ, ᖃᐅᔨᒋᐊᕐᕕᒋᓗᒋᑦ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ
ᐅᖄᓚᐅᑖ: 867•975•8400
ᐊᑭᖃᙱᑦᑐᖅ: 1•800•667•2742
ᓱᑲᑦᑐᒃᑯᑦ: 867•979•3238
ᐃᕐᖐᓐᓈᖅᑕᐅᑖ: BKilabuk@QIA.ca
ᐱᒋᐊᕈᑎᑦᑎᐊᕙᐃᑦ ᐱᓕᕆᐊᖅ
ᓴᓇᓂᖅ ᐃᓄᒃᑎᑑᖓᔪᓂᑦ ᐅᖃᓕᒫᒐᕐᓂᑦ
ᕿᑭᖅᑕᓂᒃᑯᑦ ᐱᓕᕆᖃᑎᖃᖃᑦᑕᕐᓯᒪᒻᒪᑕ ᐅᖃᓕᒫᒐᓕᐅᖅᑎᓂᑦ Inhabit Media ᖁᓕᐸᓗᓐᓂᑦ ᐊᕐᕌᒍᓂᑦ ᐱᒋᐊᕈᙱᑦᑎᐊᕙᑦᑎᒍᑦ ᑖᒃᑯᐊ ᓴᓇᖃᑦᑕᓲᑦ ᐃᓄᒃᑎᑑᖓᔪᓂᑦ ᓱᕈᓯᕐᓯᐅᑎᓂᑦ ᐅᖃᓕᒫᒐᕐᓂᑦ. ᐃᑲᔪᕐᓯᒪᔪᑦ ᐃᓱᒪᒋᓯᒪᔭᑦᑎᓐᓂᒃ ᐊᒻᒪᓗ ᐃᑲᔪᕐᓯᒪᓪᓗᑎᒃ ᐅᕙᑦᑎᓐᓂᒃ ᐃᓱᒪᑖᕆᓯᒪᔭᕗᑦ ᐱᓪᓚᑦᑖᕈᖅᑎᑕᐅᖃᑦᑕᖅᑐᑎᒃ.
ᐅᖃᓕᒫᒐᓕᐊᖑᕙᑦᑐᑦ ᑕᕝᕘᓇ ᑐᓂᔭᐅᕙᑦᑐᑦ ᐃᓕᓴᕕᓐᓄᑦ ᐸᐃᕆᕕᓐᓄᓪᓗ ᕿᑭᖅᑕᓂ ᓄᓇᓕᓐᓄᑦ. ᑖᒃᑯᐊ ᐱᔭᔅᓴᐅᖃᑦᑕᕐᒥᔪᑦ ᐊᑭᖃᕋᑎᒃ ᖃᕋᓴᐅᔭᒃᑯᑦ ᐅᕙᙵᑦ ᑐᑭᓯᒋᐊᕈᑎᖃᕐᕕᒻᒥᑦ Nunavut Bilingual Education Society website.
- ᐆᒪᔪᑦ − ᐅᑭᐅᖅᑕᖅᑑᑉ ᐆᒪᔪᖏᓐᓂᒃ ᐃᓕᑦᑎᓗᓯ, ᓴᐃᒪᓐ ᐊᕙ, ᐋᓇ ᔩᒡᓗ ᐊᒻᒪ ᓯᑎᐊᕙᓂ ᒪᒃᑖᓄᑦ
- ᐆᒪᔪᑦ − ᐅᑭᐅᖅᑕᖅᑑᑉ ᐆᒪᔪᖏᓐᓂᒃ ᐃᓕᑦᑎᓗᓯ, ᓴᐃᒪᓐ ᐊᕙ, ᓯᒡᓗᒃ ᐊᕿᐊᕈᖅ, ᐋᓇ ᔩᒡᓗ, ᐊᒻᒪ ᓯᑎᐊᕙᓂ ᒪᒃᑖᓄᑦ
- ᓄᓇᒥ ᐱᓱᔪᖕᓂᖅ, ᐅᓖᐱᑲ Hᐊᐃᓐᓄ ᐊᒻᒪᓗ ᐋᓇ ᔩᒡᓗ
- ᖃᓗᐸᓕᒃ, ᐃᓚᐃᓴ ᕿᓚᕝᕙᖅ
- ᓯᑰᑉ ᐊᑖᓂ, ᕋᐃᑦᓱᓪ ᐊ. ᕿᑦᓱᐊᓕᒃ
- ᐱᙳᐊᕈᓰᑦ ᐆᒪᓇᓱᐊᕐᓂᕐᒧᑦ, ᐃᓄᐃᑦ ᐱᙳᐊᕈᓯᑐᖃᖏᑦ ᓱᕈᓯᓛᓅᖓᔪᑦ ᓱᕈᓯᕐᓄᑦ ᐃᓕᓴᕕᒻᒥ ᐃᓕᓐᓂᐊᖅᑏᑦ, ᔮᓂ ᐃᓴᓗᒃ
- ᐃᓄᒃᓯᐅᑏᑦ/ᐃᓄᐃᑦ ᐃᒋᕐᕈᑎᖏᑦ, ᐅᖃᓕᒫᒐᓕᐅᖅᑏᑦ Inhabit Media
- ᓯᖅᑯᓖᑦ ᑕᕆᐅᕐᒥᐅᑕᑦ, ᐅᖃᓕᒫᒐᓕᐅᖅᑏᑦ Inhabit Media
- ᐊᓈᓇᑦᑎᐊᖅ ᐊᕿᒡᒋᖅ, ᖃᐅᓐᓇᖅ ᒥᑭᒐᖅ ᐊᒻᒪ ᔫᐋᓐ ᓱᐊᑦᔅ
- ᐅᑲᓕᖅ ᕿᒻᒥᓛᑦ ᐅᖃᓕᒫᒐᓕᐅᖅᑏᑦ Inhabit Media
- ᓇᓪᓕᓇᕐᓂᕐᐹᑯᓗᒃ, ᓯᓖᓇ ᑲᓪᓗᒃ
- ᐅᖃᕆᐅᖅᓴᐅᑏᑦ, ᓈᑎᐊ ᒪᐃᒃ
- ᐃᖃᓗᒐᓱᐊᖃᒋᓪᓗᒍ ᐊᓈᓇᑦᓯᐊᖅ, ᓲᓴᓐ ᐊᕕᙵᖅ ᐊᒻᒪ ᒥᐅᕋᓐ ᒡᓯᑑᓚ
- ᐊᒪᕉᑉ ᐃᓕᓐᓂᐊᕈᑎᖓ, ᕋᐃᑦᓱᓪ ᐊᒻᒪ ᓵᓐ ᕿᑦᓱᐊᓕᒃ−ᑎᓐᓯᓕ
- ᐅᑲᓕᖅ ᑲᓪᓚᓗ ᐃᖃᓪᓕᐊᖅᑑᒃ, ᓈᑎᐊ ᒪᐃᒃ
- ᓂᒪᒃᑐᖅ (ᓂᒪᔭᓐᓂᖅ), ᐅᖃᓕᒫᒐᓕᐅᖅᑏᑦ Inhabit Media
- ᐃᓕᓴᐱ ᓇᐅᔮᕋᖓᓗ, ᓈᓐᓯ ᒪᐃᒃ
- ᐊᕐᕙᒐᓱᐊᕈᓯᕗᑦ, ᔪᐊᓇᓯ ᖄᐱᒃ
- ᐳᑐᒍᒃᑯᒃ ᑯᓪᓗᒃᑯᒃ ᖃᓗᐸᓕᒡᓗ, ᕉᔅᓕᓐ ᐋᑯᓗᔾᔪᒃ ᐊᒻᒪ ᑖᓂ ᑯᕆᔅᑕᕗ
- ᐃᑉᐱᓐᓂᐊᓂᒃᑲ, ᐅᖃᓕᒫᒐᓕᐅᖅᑏᑦ Inhabit Media
- ᑎᕆᒐᓂᐊᑉ ᐊᕐᓇᖓ, ᐲᑐᕆᔅ ᑎᐊᕐ